Жаъфар Ирисметов: Ўзбекистонда футбол инқирозга юз тутмоқда

14785286701872767904.jpg

Ўзбекистон терма жамоасининг собиқ футболчиси, ўз вақтида Москванинг «Спартак» жамоаси аъзоси бўлган, айни вақтда Тошкентнинг «Обод» клубини бошқараётган мутахассис Жаъфар Ирисметов Россиянинг «Чемпионат» нашрига интервью берди.

У россиялик мухбир Марк Бессонов билан суҳбат давомида унинг ўзбек футболи ҳақида саволига ҳам жавоб қайтарган ва Ўзбекистонда футбол ривожланмаётганини қайд этган.

«Менинг ҳисоблашимча, кейинги йилларда бизнинг футбол сўнгги йилларда ривожланмаяпти, аксинча орқага кетмоқда. Болалар ва ўсмирлар футболи оқсамоқда. Мана ёшлар терма жамоаси мундиалга чиқа олмадик, ахир биз сўнгги йилларда жамоамизни Жаҳон Чемпионатларида кўришга одатланиб қолгандик», деган Олий лига дебютанти мураббийи.

Қайд этиш керакки, бундан олдинроқ Ўзбекистон миллий терма жамоасининг амалдаги бош мураббийи Самвел Бабаян яқиндагина шу нашрга интервью бериб, маҳаллий футбол ўсиб бораётгани ҳақида айтиб ўтганди. Журналист эса бошқа бир ўзбекистонлик мураббийдан ҳам шу ҳақда сўрашга қарор қилганди.

Шу билан бирга у Ўзбекистон терма жамоасининг Россияда бўлиб ўтадиган жаҳон чемпионатига чиқиш учун яхши имкониятга эга эканини айтган.

«Тўғри, Бабаян натижа кўрсатмоқда, лекин Эронга қарши сўнгги ўйинда муаммоларимиз кўриниб қолди. Ўзбекистон термасига савияли футболчилар етишмайди. Аҳмедов ва Денисов бутсаларини михга илгач, уларни ким алмаштиради? Мен ўз чемпионатимни ёмон билмайман, шу ерда ишлаяпман. Лекин айтишим керакки, термани кучайтириши мумкин бўлган ҳеч ким йўқ», — дея қайд этган Ирисметов.

Ирисметов футболчи сифатида Ўзбекистон чемпиони, мамлакат Кубоги соҳиби ҳисобланади. У бир мавсумда гол уриш бўйича Ўзбекистон чемпионати рекордчисидир (37 учрашувда 45та гол). У «Спартак»дан ташқари, Россия, Қозоғистон ва Украина чемпионати жамоалари сафида ўйнаган.

This entry was posted in Uncategorized. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s