Фото: «Газета.uz»
Ўзбекистон Соғлиқни сақлаш вазирлиги шифокор рецептисиз сотиладиган дори воситаларининг янгиланган рўйхати лойиҳасини тайёрлади. Ҳужжат Ягона интерактив давлат хизматлар порталида эълон қилинган.
Рўйхатни 514 пунктга қисқартириш таклиф этилмоқда (жорий йилда қабул қилинган амалдаги рўйхатда – 1169 дори воситаси бор). Хусусан, рўйхатга 192 монопрепарат (ҳозирда — 186) ва 322 комплекс препаратлар (983) киритилган.
Шифокор рецептисиз сотиладиган дори воситалари янги рўйхатининг қабул қилиниши Президент в.б. томонидан яқинда имзоланган “Аҳолини дори-дармон воситалари ва тиббиёт буюмлари билан таъминлашни янада яхшилашга доир чора-тадбирлар тўғрисида”ги қарори билан кўзда тутилган.
Бир пиёла чой 